تعلم ان لا تحقد

مساء الخير

شلونكم شباب بنات يا ربي تكونين بصحه وسلامة وان شالله عطله حلوة على عيونكم الحلوة

ماكو واحد بينا ما يزعل وماكو واحد ما يحقد
كل واحد راح يقرة الموضوع اكيد مار بفد موقف زعل او حقد

احجيلكم قصه صارت وي واحد صديقي
هذا صديقي اسمه احمد جان اكو واحد ثاني مثل التوأم مالته اسمه يوسف يعني اكثر من اخوان تقريبا فوك ال5 سنوات اصدقاء
صديقي احمد جان يحب بنيه . هذي البنيه جانت تريد تسوي مشاكل بينهم . المهم فد مرة هذي البنيه خابرت احمد كلتله هذا الي تسميه اخويه وصديقي وتوأمي اليوم جان يمشي ورايه جان يريد يذبلي الرقم ويحجي وياي ويكلي خلي نتعرف احمد مراح يعرف شي .
طبعا علساس يوسف هيج كايل للبنيه . المهم هذا احمد تخبل الى ابعد الحدود . سد الخط راح على بيت يوسف ((طبعا احمد ويوسف تقريبا جيران )) المهم راح احمد على يوسف كلوله يوسف نايم . صار يصيح بالباب لالامو نايم اطلعلي يا جبان يا حقير يا.....الخ .
كعد يوسف على صوت احمد وهو ميعرف شنو القصه (( تقريبا كل هالمدة اول مرة يصير هيج شي )) طلع يوسف كاله ها احمد شكو , خطيه بعده ديحجي جان يضربه احمد ويكله يا حقير انت هيج تسوي لك انت جنت مثل اخويه ليش هيج . يوسف يهدي بيه اجويه الولد الي بالشارع طلعوا اهل يوسف (طبعا احمد بهالموقف يبجي لان ممصدك صديقه هيج يسوي ).راح احمد للبيت وقفل الباب عليه وبقه اسوبع ميداوم .يوسف يروح ميطلعله احد . خطيه هذا احمد فد واحد وردة مال الله . هذا هم انقهر كلش وكل ما يحجي بالموضوع يبجي ويكول ليش احمد هيج يسوي اني شنو الي سويته . هذا يوسف هم كام ميداوم . المهم رجعوا يداومون فاحمد كال اني ما ابقى بنفس المدرسه وي هذا الحقير النذل ....الخ . يوسف جان يسمع هالكلام ويبجي
احمد انقل لمدرسه ثانيه . هذا يوسف بطل من المدرسه كال اني ما دام اخويه الي طلعت بيه من الدنيا هيج يسوي فهيج دنيا ما ابقه بيها . خطيه بطل من المدرسه . الف واحد راد يعرف شنو القصه وراد يصالحهم بس ماكو فايدة . وهذيج البنيه جانت كل فترة تكول لاحمد صديقك ديعاكسني . احمد حقد كلش على يوسف ويوسف كره الدنيا علمود احمد . سافر يوسف لبغداد ورة فترة كالوا يوسف خاطفيه عصابه . احمد اتخبل خطيه صارت حالته النفسيه حتى اليهودي ينقهر عليه . احمد عاف المدرسه وراح لبغداد لبيت يوسف
وجان يكول والله انتحر اذا مات يوسف . والله ما اسامح نفسي الله ياخذني بس يرجع يوسف ورة 4 ايام اهل يوسف دفعوا مبلغ وطلع يوسف . طبعا الموقف جان مينوصف بالله الكريم يعني اني بس جنت متواصل بالتلفون وعيوني دمعت يعني موقف ميصير حتى بالمسلسلات . هذا يبجي وهذا يبجي . انتهت القصه . احمد كال ليوسف ليش هيج تسوي . يوسف كال احمد وداعتك ما سويتها
اتفاجآ احمد . كام يحقق بالموضوع اجتي صديقه حبيبته وكالتله ترى هذا الموضوع هيج وهيج . هذا انصدم كال يعني اني سويت هيج باخويه وصديقي علمود هيج بنيه . عاف البنيه ورجعوا اصدقاء وخطيه يوسف راحت عليه السنه واحمد طلع دور ثاني وكال راح اعيد السنه وي يوسف . شفتوا تضحيات الصداقه
بس هذا مو موضوعنا

الموضوع هو
انه لتحقدون ولتخلون حقد لو زعل بكلبكم ترى والله الدنيا ما تسوى ما دام اكو موت ومنعرف شوكت نموت لتزعل على شخص ولتخلي شخص يزعل عليك . ماكو اي فايدة يعني اتخيلوا هذا الموقف صاير بواحد بيكم شراح تسوون
راح تسامحون نفسكم اذا يموت احد وهو مقهور منكم ا و انتوا حاقدين عليه

تحياتي