شيء فعلته وتندم عليه

شوفوا شباب الله ناطينا نعمة النسيان
اني بالنسبة الي ما اتذكر سويت فد شي وندمت عليه .
اني حبيت بنيه وجنت احس اني املك الدنيا وما بيها وفخور بحبنا . بس عفتها وهم ما ندمت . ما كلت اني نادم على الايام الي عشناها سوى . لان جانت ايام حلوة . ومن عفتها جان اكو اسباب وكلت الحمد الله مبقيت امشي بالغلط والله نبهني وخلاني افكر صح ..
يعني مختصر مفيد ما مسوي ولا راح اسوي شي واندم عليه
تقبلوا تحياتـــــي

السلام عليكم
شلونكم شباب بنات يا ربي بخير
قبل ما نبدي بالموضوع احب ابارك للناجحين بامتحانات نص اسنه واكوللهم مبرووووووك والراسبين والاكمال اكللهم هارد لك

هسه خلي نبدي بموضوع اليوم
كل شخص مر بحياته بمواقف حلوة ومواقف مو حلوة وكل واحد عنده ذكريات
بس مرات الشخص يسوي شي بعدين يندم عليه ويتمنى الزمن يرجع بس حتى ميعيد الي سواه
اريد كل عضو من اعضائنا الحلوين يدخل للموضوع ويذكرلنا موقف سواه او كلام كاله وهسه نادم عليه

تقبلوا تحياتـــــــــي