اخر عركة الي وية الامريكان تعالووووووو

السلام عليكم اسمعوا هاي اخر عركة اتعاركتهه

مساء الخير اخواني. شلون الصحة؟؟ حبيت احجيلكم حادثة صارت ويايه ذاك اليوم. اني طبعا متعرفوني, انسان عصبي كلش, ايدي و القامة ما اتفاهم, فذاك اليوم جنت دا امشي عالسريع الله لا يجذبني عال 150 او 152 ممتأكد, المهم شفت رتل مال امريكان كدامي, كلت ويه نفسي هذي شلون لغوة, رمشتلهم ردتهم ايوخرون حتى افوت , ماكو, دكيت هورن ماكو موخوروا, اني بصراحة صرت نار, جريت المسدس و تقربت بصف الدبابة و صلخته بطلقتين بالسرفة, صار عنده بنجر و افترت الدبابة وكفوا اني طلعتهم, اشو اباوع بالمراية هذولة كاموا ايصيحون و يشمرون بيدهم, اني عيوني صارت براسي, حمست السيارة ببريك و رجعتلهم عالبك, جريت الستيل و نزلت, رحت على ذولة الجنود و اني حالف انهيهم اليوم, الضابط مالتهم لمحني, اجه عليه ركض لزمني, كلي لا ارجوك احسبهه عليه, اي ام سوري, كلتله جون انته الك خاطر يمي بس لا تتدخل,ذولة اليوم اشرحهم, ذولة الجنود ماتوا من الخوف,و يتباجون مثل الجهال,ذولة ضباط وياهم وكعوا عليه دخيل دم كالوا ذولة جدد ميعرفوك, اباوع اكو جان وياهم نسوان و اطفال و ديبجون و يعيطون صفنت, تعوذت من الشيطان عفتهم, و كلتله لجون بس المرة الجاية لو يجي مدري منو ما اعوفهم, كلي احسبهه عليه حبي, ان شاء الله ماكو مرة جاية, بهذي الاثناء لمحت 3جنود واكفين بطريقة مو محترمة و ديضحكون, يعني محترموا وجودي, اني بعد كلت لهنا و كافي,حتى جون و الضباط خافوا يتقربون و رحتلك عليهم همه ذولة ال3 جنود كتلتهم خمستهم و الثمانية البقية انهزموا,و وراهه ما ادري شصار بعد, من اتذكر اكمللكم