بما انو الدوام والمدرسة هية اكثر شي دروحلهة
وصار شتة يعني الدنية باردة (يعني طبعا)
فأول شي شنو احلى مرحلة مريتوا بيهة المتوسطة لو الاعدادية؟
المتوسطة حلوة بس الاعدادية صارت هي نقطة الفاصل بين الطفوله والمراهقة بالنسبة الي .. اني احب الاعدادية اكثر من المتوسطة
ووشوكت احلى الدوام بالشتة لو بالصيف (بالحر لو بالبرد)؟
اني احب الشتة اكثر الصيف هم حلو بس حر وجو مو حلو بس الشته حلو
واكو صديق بالمتوسطة لو بالاعدادية غير شي بحياتك؟
او انطة تأثير بحياتك؟
نعم .. صديقي واخوية زيد طبعا احنى سوى من صف الاول لحد الان يعني 4 سنوات وان شالله نبقى سوة مثل مكلتلكم الاعدادية بداية المراهقه وبناء الشخصية وهذا صديقي خلاني اعرف شنو الشي الغلط وما اسويه واغلب الاحيان ينبهني قبل اي شي اسويه واني هم جان الي دور كلش جبير بحياته وساعدته وخليته يعرف شنو الغلط بالنسبه اله وميسويه .. وهيج كدرنا واحد يكمل الثاني و يا ربي يبقى وياي وابقى وياه وما نتفارك
واخر شي انتوا هسة بالمدرسة متونسين لو ضوجة؟
لا مضايج . بالعكس كلش متونس لان اصلا الكروب مالتي احسن كروب بالاعدادية كلها لان ماكو كروب يقرة ويتشاقه وواحد يحب الثاني واخلاق اكثر من عاليه وبنفس الوقت مخلين مجال للشقه وللجد وكل شي بوقته .. الكروب مالتنا نمشي بالساحه منلكي واحد اخلاقه مال اوادم كلها تفشر لو كروب كئابة لو حاجزين مقاعدهم للسنه الجايه وميقرون .. ماكو مثل كروبنا .. مو طبيعي بعد شكو ما اتونس
وبالنهايه اسف طولت عليكم
تقبلوا تحياتـــــــــي